Біздің тағылымгерлер - 2020
Аида Алиева
"Үлбі металлургия зауыты" АҚ
Izbasar бағдарламасының бірінші легінің жас маманы. Бірінші ротация қорытындысы бойынша eKAP ақпараттық жүйесіндегі HR Recruiting модулінде кандидаттың кіріс деректерін визуализациялау бойынша жобаға енгізілді. Қазір "ҮМЗ" АҚ Адам ресурстарын басқару департаментінде екінші ротацияға кірісті.
Л. Н.Гумилев атындағы Еуразия ұлттық университетінің "шетел филологиясы" мамандығының түлегі. Ағылшын тілінен республикалық және қалалық олимпиадалардың жүлдегері, KAZENERGY жобасының еріктісі. Бимен айналысады, көркем әдебиет оқығанды ұнатады.
"Бірінші кезекте мен бағдарламаға өз білімімді одан әрі мықтау үшін және жұмысқа орналасу үшін қатыстым. Сондай-ақ, мен өз күшімді сынап көргім келді. Бағдарламаға қатысуды челлендж ретінде қабылдадым. Мен жасырмаймын, басында күмән болды, бірақ әр кезеңде өзіме деген сенімділік пен жобаға деген сенім артты. Біз үшін әр кезең өзінің күрделілік деңгейі бар жаңа кезең болды. Бұл ойын сияқты. Сен барлық деңгейлерді бір-бірлеп өткен кезде, өз мүмкіндіктеріңнің қырларына таң қаласың және келесі қадамды жасауға шабыттанасың. Бұл қиын және қызықты болды, дегенмен де бәсекелестік рухын жоғалта қойған жоқпыз", - дейді Аида.
Ақтық комиссияға бір күн қалғанда Әлия жол апатына ұшырайды. Бұл оған және ол үшін алаңдаған бүкіл жобалық топ үшін біраз уайым тудырған жайт болды. Бұл, әрине, оның көңіл-күйіне де әсер етпей қоймады. Алайда Әлияның нақты мақсаты болды. Барлық алдыңғы кезеңдер артта қалып, шегінерге жол жоқ еді. Ол бар жігерін жинап, нәтиже көрсетіп, финалдық кезеңнен өтті.
"Бұл менің корпоративтік сегменттегі алғашқы тәжірибем. Мен "Қазатомөнеркәсіп" ҰАК" АҚ компаниясының корпоративтік мәдениетін жақсы көремін. Оның барлық құндылықтары - қауіпсіздік, жауапкершілік, кәсібилік, даму, команда - әр қадамда көрініс табады. Компаниямен бірге өсіп, дамығың келеді. Екінші лектің қатысушыларына өз қабілеттеріне сенімді болуды ұсынамын. Дамыңыз, өз жолыңызды іздеңіз. Сіз міндетті түрде жетістікке жетесіз", - деп өз пікірімен бөлісті Аида.
Аңсар Сейітжанов
"Семізбай-U" ЖШС , "СП "Инкай" ЖШС
Izbasar бағдарламасының бірінші легінің жас маманы. Бірінші ротация қорытындысы бойынша "Семізбай-U" ЖШС жіберілді. Жұмыс барысында ТҚ-25 негізінде қорлардың қозғалысы бойынша тоқсандық есептілікті жасау процесін автоматтандырды. Қазір Аңсар қайта өңдеу басқармасының өндірістік департаментінде "Инкай" БК" ЖШС-де екінші ротацияға кірісті.
Қ.И.Сәтбаев атындағы Қазақ ұлттық техникалық зерттеу университетінің "мұнай-газ ісі" мамандығы бойынша түлегі.
ЖОО-да оқу кезеңінде мұнай-газ саласының компанияларымен серіктестік қарым-қатынастарды ұйымдастыру бөлігінде студенттік өмірге белсенді қатысты. Russian and Caspian Regional Student Paper Contest (Ресей, Мәскеу) және Student Technical Conference (Германия, Фрайберг) сияқты халықаралық алаңдарда "Тhe system of sunlight concentration for heating heavy oils" жобасын сәтті қорғады. Кітап оқығанды ұнатады.
"Жобаға үш себеп бойынша қатыстым. Бірінші кезекте, бұл-кәсіби өсуге және нәтижелерге қол жеткізуге мүмкіндік беретін ірі компанияда жұмысқа орналасу. Екіншіден, бұл бағдарламаның мазмұны. Жеке-іскерлік және кәсіби құзыреттерді дамыту бойынша ротация және оқыту. Конкурстық іріктеуге қатысуға шешім қабылдауға түрткі болған үшінші нәрсе ұлттық компаниядағы жұмыс арқылы еліміздің экономикасының дамуына үлес қосу мүмкіндігі болды", - дейді Аңсар.
Жас маманға конкурстық іріктеудің әрбір кезеңі алдыңғы кезеңге ұқсамағаны ұнаған. Қазақстандық жоғары оқу орындарының түлектері үшін осындай іріктеуге қатысу - бұл еңбек нарығындағы өз күшін бағалаудың тамаша мүмкіндігі.
"Конкурстық іріктеу кезеңдері қиын болған жоқ, дегенмен дайындық қажет. Бағдарламаға қатысудың мақсатын түсіну, өз үмітіңді қалыптастыру және жобаға өз уақытыңды қаншалықты жұмсауға дайын екендігіңді бағалау. Қолға алуға тұрарлық нәрсе. Екінші лектің қатысушыларына белсенді болуды, өз идеяларын ұсынудан және өз мамандығын немесе қызметтің қызықты бағытын зерттеуді жалғастырудан қорықпауды тілеймін", - деп Аңсар бағдарламаның болашақ қатысушыларына ұсымын білдірді.
Марат Баешов
"РУ-6" ЖШС, "СП "Инкай" ЖШС
Izbasar бағдарламасының бірінші ағымына қатысушы жас маман. «РУ-6» ЖШС-ындағы бірінші айналым қорытындысы бойынша Марат SPU Database – батпалы сорғыш агрегаттардың (БСА) жұмыс жағдайы мен есебін бағалауға, деректерді автоматты шоғырландыру және Microsoft Power BI БЖ арқылы БСА жұмысын қарапайым көрнекі талдауға арналған дерекқорлар жобасын таныстырды. Қазір жас маман "СП "Инкай" ЖШС-ның энерго-механикалық бөілімінде екінші айналымнан өтіп жатыр.
Мараттың Izbasar бағдарламасына қатысудағы басты себебі – жаңа білім алу, өндірістік тәжірибе жинап, ірі ұлттық компанияның корпоративтік жүйесіне тереңдеу мүмкіндігі. Өтініш берген кезде Мараттың кәсіби тәжірибесі болғанына қарамастан, ол өзін басқа салада байқап көргісі келді.
3-кезең барысында қатысушылар 6 адамнан тұратын командаларға бөлінді. Команданың алдына ойдан шығарылған компанияның табысын арттыруға қатысты кейсті шешу міндеті қойылды. Командада Марат басқа көпшіліктің пікірінен бөлек жеке көзқарас ұсынғандардың бірі болды.
Көшбасшылық қасиеттерін басшылыққа ала отырып, Марат икемділк танытты. Барлық қатысушының пікірін тыңдап, ортақ идеяны өз ұсыныстарымен толықтырды. Осы әрекеті жас маманды осы кезеңнен алып өтті.
Izbasar бағдарламасының қатысушысы ретінде Марат өз-өзіңе сенуге және соңына дейін талмай жүруге кеңес береді. Ол – алға қойған мақсат жолында жасалған әрбір қадам, әрбір кедергіні жеңу сізді күшейте түседі деп санайды. Сәттілік пен табыс тілейміз!
Саян Роор
«ҰАК» АҚ-дағы бірінші ротация кезінде ол Карлсруэ технологиялық институтымен (Германия) бірлесіп, берилий интерметаллидтерірің қосылыстарын өндіру технологиясын әзірлеу жобасына қатысты. Екінші айналымды «Волковгеология» АҚ-да геология, геофизика және радиоэкология департаментінде өтуде.
Магистр дәрежесін Манаш Қозыбаев атындағы Солтүстік Қазақстан университетінде алған.
«Өтініш беру кезінде мен магистратураны бітіріп, өзімнің мүмкіндіктерімді, оқу барысында алған дағдыларымды іске асырудың мүмкіндіктерін іздедім. Қатысуымның екінші себебі - осы бағдарламадан жаңадан не біле алады екенмін деп ойладым. Өршіл, ынталы адамдармен кездескім келді. Екі басты себеп осылар», - дейді Саян.
Саян үшін іріктеу қиын болып көрінген, әсіресе екінші турдан кейін.
«Сарапшылардан өз мүмкіндіктерім жайында және олардың мені қалай бағалайтынын, жалпы мен не білетінімді сынау қызықты болды. Менің басты мақсатым - финалист әрі жеңімпаз болу еді», - деді жас маман.
Келесі ағымның қатысушыларына Саян сынақтардан қорықпай, қиындықтарға мойымай, қатысудан бас тартпауға кеңес береді. Сонымен бірге, не үшін талпынып, қай бағытпен жүріп бара жатқаныңызды бақылау маңызды екенін айтады. Саян өз мақсатыңызға адал болып, оған жету үшін талаптаныңуызға тілектес.
Әділхан Ахатаев
"Семізбай-U" ЖШС , "РУ-6" ЖШС
Izbasar бағдарламасының бірінші легінің жас маманы. Бірінші ротация қорытындысы бойынша Әділхан есептіліктерді автоматтандыру үшін макрос құруға, Семізбай және Иркөл кеніштерінің жұмыскерлері үшін "Семізбай-U" ЖШС-да қаржылық сауаттылық бойынша тұсаукесер әзірлеуге және өткізуге қатысты. Қазір жас маман "РУ-6" ЖШС Экономика және жоспарлау бөлімінде екінші ротациядан өтуде.
Қазақстан тұтынушылар одағының Қарағанды экономикалық университетінің "Қаржы" мамандығы бойынша түлегі. Конкурстық іріктеуге қатысқан сәтте Әділханның қаржы саласында бес жылдық жұмыс тәжірибесі болды. Жұмыс нәтижелері бойынша Павлодар қаласындағы "Forte Bank" АҚ үздік қызметкері болды, сондай-ақ филиалды дамытуға қосқан үлесі үшін "Halyk Bank" АҚ басшылығының назарына ілігіп, Павлодар облысы бойынша үздік он қызметкердің қатарына енген.
Izbasar бағдарламасына қатысуды Әділхан қызмет бағытын өзгерту және өзін өнеркәсіп саласының экономикасында сынап көру мүмкіндігі ретінде қабылдады.
"Бұрын мен жас мамандарды дамытудың түрлі бағдарламаларын зерттедім, олар негізінен халықаралық компаниялар болатын. Izbasar бағдарламасы алғашқы аңдатпасынан-ақ ұнады және ең бастысы тәлімгермен жұмыс істеу мүмкіндігімен қызықтырды. Бірақ цифрлық ақпаратты талдау қабілетіне арналған тест бөлігінде іріктеме байқаудан жүрексінгені рас. Дегенмен, қатысуға деген ықылас күшті болды, мен өтінім беріп, осы кезеңнен өттім. Қазір екінші ротацияға қатыса отырып, "Қазатомөнеркәсіп" ҰАК" АҚ - ның барлық қызметкерлері бізді қолдайды, әрдайым көмектесуге және бағдарлауға дайын екенін айтқым келеді", - дейді Әділхан.
Өз тәжірибесіне сүйене отырып, жас маман екінші ағымның қатысушыларына барлық кезеңдерге мықтап дайындалуды және "бір жөні болар", "жағдайға қарай көрермін" дегендерге мойынсұнбау керектігін білдірді. Сәттілік деген жақсы, бірақ алдын-ала дайындық және тиісті көңіл-күй әрқашан қажет.