Конкурстық іріктеу

02

Қабілеттерді бағалауға және ағылшын тілін білуге арналған тесттер

2022 жылдың 14 шілдесінен 27 шілде аралығында

Бұл кезеңде үміткерлерге жұмыс істеу қабілетін бағалау үшін 2 тест тапсыру ұсынылады:

• Сандық ақпарат
• Вербалды ақпарат

«Сандық ақпаратты талдау» тесті - үміткердің күрделі сандық, кестелік және графикалық ақпаратпен тиімді жұмыс істеу, барлық құрамдас факторларды жүйелі талдау және жалғыз дұрыс шешім табу қабілетін бағалауға бағытталған.

«Вербалды ақпаратты талдау» тесті - үміткердің күрделі мәтіндік ақпаратты талдау, себеп-салдар байланыстарын анықтау және оқылғанның негізінде дұрыс логикалық қорытынды жасау қабілетін бағалауға бағытталған.

Ағылшын тілін білу тесті - тілдің базалық білімін үш салада бағалауға мүмкіндік береді: грамматика, сөздік қоры және оқу.

03

Топтық жаттығу

2022 жылдың 01 тамызынан 10 тамызға дейін

Топтық жаттығу - барысында топтағы мәселені бірлесіп шешу жағдайы құрастырылады. Топ 4-тен 8 адамға дейінгі болуы мүмкін. Байқауға болатын құзыреттілікке байланысты бөлінген (әр үміткер жеке нұсқаулық алады) немесе бөлінбеген рөлдермен жаттығулар қолданылады (барлық қатысушылар үшін нұсқаулар бірдей).
Бұл әдіс адамдардың бір-бірімен қарым-қатынас жасау, ортақ мақсатқа жету үшін өзара әрекеттесуді ұйымдастыру, өз ұстанымдарын қорғау және бірлескен алқалы шешімдер қабылдау қабілеттерін анықтау және бағалау үшін қолданылады.

04

Құзыреттіліктер бойынша сұхбат

2022 жылдың 15 тамызынан 26 тамызына дейін

Құзыреттіліктер бойынша сұхбат - үміткердің әртүрлі жағдайға қарай нақты мінез-құлқын толық талдап, нақты тәжіибесін бағалауға бағытталған. Ашық қойылатын сұрақтар әдетте толық жауап алуды көздейді және көп жағдайда «Есіңізде ме ...», «... мына жағдайда не істегеніңізді айтып беріңізші» және т.с.с. сөздермен басталады.

05

Жеке және мотивациялық сауалнама, мотивациялық эссе және панельдік сұхбат

2022 жылдың 30 тамызынан 13 қыркүйекке дейін

Жеке сауалнама күнделікті жұмыс іс-әрекетінде адамның әдеттегі немесе таңдаулы мінез-құлқын қалыптастыратын жеке қасиеттерді бағалауға арналған.

Мотивациялық сауалнама қызметкердің жұмыстағы мотивациясына әсер ететін және оны өз міндеттерін орындау үшін барынша күш салуға итермелейтін факторларды анықтауға арналған.

Мотивациялық эссе - бұл еркін нысандағы хат. Үміткер келесі тармақтар туралы айта алады:

• бағдарламаға қатысудың нақты себептері;
• басқа үміткерлермен салыстырғанда бәсекелестік артықшылықтары;
• бағдарламаны өту кезінде қол жеткізуге болатын мақсаттар және оларға қол жеткізу үшін өзінен не талап етеді;
• мектептегі немесе жоғары оқу орнындағы, еңбек және/немесе қоғамдық қызметтегі жеке жетістіктері;
• және басқа.

Тапсырма - басқа үміткерлер арасынан тек сізді таңдауға қабылдау комиссиясының көзін жеткізу.

Панельдік сұхбат - бұл бір кандидат пен байқау комиссиясы мүшелері қатысатын сұхбат.

Байқау комиссиясы - байқауды өткізу шарттарына сай жеңімпаздарды анықтайтын алқалық орган.