Конкурстық іріктеу
Бұл кезеңде үміткер бағдарламаның ресми сайтында жеке ақпаратын толтырады.
Сондай-ақ профайлды толтыру кезінде үміткерге мыналар қажет:
- 1. болған жағдайда дипломдар мен сертификаттарды салу;
- 2. кандидаттың мотивациялық эссесін тіркеу; (Эссе тақырыбы: «Қазатомөнеркәсіп» ҰАК» АҚ-дағы кәсіби өсу: мен не үшін бұл компанияны таңдадым»);
- 3. Бизнес-кейсті шешу - 2024 жылғы 17 маусымнан 30 маусымға дейін
Үміткерден ситуациялық, экономикалық, әлеуметтік және бизнес-жағдайлардағы бизнес-кейсті онлайн-режимде шешу талап етіледі. Бұл бағалау құралы үміткердің көптеген мәліметпен жұмыс істеу қабілетін, стиль мен жылдамдығын бағалауға, ең бастысы – белгілі бір салада жұмыс істеу дағдыларына, сондай-ақ тосын шешімді қабылдауға арналған.
Бұл кезеңде үміткерге жұмыс істеу қабілетін бағалау үшін 2 тест тапсыру ұсынылады:
- Сандық ақпарат
- Вербалды ақпарат
«Сандық ақпаратты талдау» тесті - үміткердің күрделі сандық, кестелік және графикалық ақпаратпен тиімді жұмыс істеу қабілетін бағалауға, барлық компоненттерді жүйелі түрде талдауға және жалғыз дұрыс шешім табуға бағытталған.
«Вербалды ақпаратты талдау» тесті - үміткердің күрделі мәтіндік ақпаратты талдау, себеп-салдарын анықтау және оқыған кезде дұрыс логикалық қорытынды жасау қабілетін бағалауға бағытталған.
Бұл кезеңде үміткер сұхбат берушімен онлайн сұхбатқа шақырылады.
Сұхбат барысында үміткерлер нақты жағдайларда қалай әрекет ететініне мысал келтіріп, осы арқылы талап етілетін мінез-құлықтың бар-жоғын көрсетеді. Бұл компанияда сәтті жұмыс істеуге қажет біліктілікті анықтауға мүмкіндік береді.
Топтық бағалау шеңберінде бұл кезеңнің кандидаттары топтық жаттығуға қатысады және мотивациялық сауалдамадан өтеді.
Топтық жаттығу – топтағы мәселені бірігіп шешуге ынталандырады. Байқау кезінде құзыретіне қарай бөлінген (әр үміткерге жеке нұсқаулық беріледі) немесе бөлінбеген рөлдері бар жаттығулар қолданылады (барлық үміткерге бірдей нұсқаулық беріледі).
Бұл әдіс адамдардың өзара қарым-қатынас жасау, ортақ мақсатқа жету жолында өзара әрекеттесуді, өз ұстанымын қорғау және бірлескен ортақ шешім қабылдау қабілетін анықтау және бағалау үшін қолданылады.
Топтық жаттығудан өткен үміткерлер мотивациялық сауалдамаға шақырылады.
Сауалдама үміткер туралы қосымша ақпарат бере отырып, үміткердің жұмыстағы мотивациясына әсер ететін факторларды анықтауға және оларды өз міндеттерін орындауға барынша күш салуға итермелеуге бағытталған.
Бұл сұхбатқа үміткер мен бағдарламаның конкурстық комиссиясы қатысады.
Үміткерлерге қойылатын талаптар:
- 01Қазақстан Республикасының азаматтығы
- 02«Қазатомөнеркәсіп» ҰАК» АҚ компаниялар тобының қызметкері
- 03Географиялық ұтқырлық: жас маманның ротация орнын өзгерту мүмкіндігі болуы қажет
Мамандықтар бойынша басымдық бағыттар:
- Экономика және қаржы
- Уран өндіру
- Геологиялық барлау
- Ядролық отын цикл (ЯОЦ)
- Ғылыми қызмет
- IT және киберқауіпсіздік
- Экология және қоршаған ортаны қорғау
- HR, маркетинг
- Экономика және қаржы
- Уран өндіру
- Геологиялық барлау
- Ядролық отын цикл (ЯОЦ)
- Ғылыми қызмет
- IT және киберқауіпсіздік
- Экология және қоршаған ортаны қорғау
- HR, маркетинг